गीत: रोजगार – 2
सुनो लीबेर सुनार
तारौ लीबेर सितार
पढ़ै लीबेर नौकरी
रुपैं लीबेर बजार
बिन गुरु बाट नहां
बिन ढेपु हाट
बिन मेहनत करि
कसिकैं हुं ठाट
ठाट क दगड़ यरौ
कार जरूरी
कारा लिजी जाण पड़ौं
बैंका दुआर
करोड़ लाख हजार
हैस्यत लीबेर उधार
पढ़ै लीबेर नौकरी
रुपैं लीबेर बजार
सैणिक खसम मरद
मरदौक रीन
जैक ख्वर रीन वीकि
हरै जांछि नीन
रीना क दगड़ यरौ
ब्याज जरूरी
ब्याजा लिजी चाण पणौ
नई ब्योपार
जां चा पड़ी रौ तुसार
पानी लीबेर कच्यार
पढ़ै लीबेर नौकरी
रुपैं लीबेर बजार
देवदार 