भजन : जै हो :

भजन : जै हो :

मात भवानी तेरि जै हो
जग कल्यानी तेरि जै हो
त्वीले भजाई हर एक बुराई
चतुर सयानी तेरि जै हो
मात भवानी तेरि जै हो

उच्च सिखर मैं रौंछै मैया
कष्ट हरण हूं औंछै मैया
दीन दुखी की आस पुरि कर्न्य
हे महादानी तेरि जै हो
मात भवानी तेरि जै हो

द्याप्त लगै करनान तेरि पूजा
बिपदा मैं क्वे नै हुन दूजा
हर संकट मैं औंछि हमेसा
याद सुहानी तेरि जै हो
मात भवानी तेरि जै हो

अंस हमूं मैं तेरो परमेस्वरि
बंस हमारे तेरो मातेस्वरि
सब्बौ की ईजा की ईजा
ठुलि महारानी तेरि जै हो
मात भवानी तेरि जै हो