गीत : रोजगार – 1
बरखा लीबेर घस्यार
आगो लीबेर रस्यार
पढ़ै लीबेर नौकरी
रुपैं लीबेर बजार
पहाड़ौ को ठण्डो पानी
कदर नी जानी
एथ उथ काईं लगै
तीस नै निमानी
तीस क दगड़ यरौ
भूख जरूरी
खाना क जुगाड़ मैं
जान पड़ौं भ्यार
गौं घर मुलुक है भ्यार
भ्यार मिलौं रोजगार
पढ़ै लीबेर नौकरी
रुपैं लीबेर बजार
उज्याव मैं खाओ गूड़
मिठ हूं चिफलिया
अन्यार मैं खाओ गूड़
तब लगै गुलिया
गुलिया दगड़ यरौ
नून जरूरी
नून तेला लिजी
जानो पणछ बजार
कसि छाजि रैछि बजार
पैंसा लीबेर बहार
पढ़ै लीबेर नौकरी
रुपैं लीबेर बजार
देवदार 