लोकगाथा: हरू सैम 1
बरमा विष्णु बैठीं छना बैकुँठे का राज।
पँचकोटि देवा छना कछरी का लोग।
धूनी जागी रैछ कैलास, शिव भोलानाथ की।
हरज्यू की सभा बैठीं छना विष्णु लोक मँजा जो।
देवलोक बैठीं छना देबतन की सभा हो।
गोकुल में बैठीं छना कृष्णज्यू की सभा हो।
द्वारिका में बैठी छना रामज्यू की सभा हो।
हस्तिनागढ़ बैठीं छना पाण्डवों की सभा हो।
हरि-हरिद्वार में बैठीं छना हसुलागढ़ै की सभा हो।
हरि-हरिद्वार में होलो भागीरथी किनार हो।
हरिज्यू की धूनी होली हरद्वार मँजा हो।
हँसुलागढ़ै में होला बारनाम बैरागी हो।
नवै नाथ बैठीं होला सोल नाम संन्यासी हो।
चैखट जोगणी होला बावन बीर हो।
छत्तीस रौतान होला बत्तीस पैरूणी हो। क्रमशः
देवदार 