गीत: नमन:

गीत: नमन:

नानछन है लीबेर हमूं खन
भलिकैं प्यारै ले पाल्न्य इजा !
सौ बार नमन छ

कच्च माट्ट खन धीरे धीरे
अस्सल सांच मैं ढाल्न्य इजा !
सौ बार नमन छ

जब मुख है के नै कै संक्छ्यां
मन मैं रुंछ्यां वांईं गै संक्छ्यां
तेरि मीठि ममता वाल आंचल मैं
खै पी सक्छ्यां औ से संक्छ्यां

तोत्ल बचन बोल्छ्यां त उनूंको
मतलब सही निकाल्न्य इजा !
सौ बार नमन छ

कभैं रोवैबेर कभैं हंसैबेर
डांट डपट या प्यार जतैबेर
लोरी गैबेर काथ सुनैबेर
आदर्शाैं का दीप जलैबेर

कस्सी लै हो हर जिज्ञासा
साम्न रोशनी डाल्न्य इजा !
सौ बार नमन छ