गीत: नै जानी:
माछै की मछ्योल कभैं ध्वैबेर नै जानी
नराई उनूं की कभैं रवै बेर नै जानी
द्याप्त लिजी धूप नहां यारौं लिजी पूआ
म्यर लिजी टैम नहां दुणी लिजी सूआ
घरै कि फिकर जोगि हैबेर नै जानी
नराई सुआ की कभैं रवै बेर नै जानी
बल्फ मैं बिजुलि नहां लम्फु नहां तेल
दिल मैं पिरीति नहां कसिकैं हुं मेल
पिरीतै कि पीड़ काईं कैबेर नै जानी
नराई सुआ की कभैं रवै बेर नै जानी
भुरि भुरि उज्याव मैं गाड़ौ को सुसाट
पटै गईं आंखा म्यारा चाण चाण बाट
यसि इंतजारी भजन गैबेर नै जानी
नराई सुआ की कभैं रवै बेर नै जानी
पिणाउ पात क पाणि जस त्यर वैदा
यस वायदा कैं करिबेर के फैदा
पहाड़ै कि फाम माल जैबेर नै जानी
नराई सुआ की कभैं रवै बेर नै जानी
देवदार 