लोकगाथा: लक्ष्यबेध: 7
जोगिरे भगतूँ कि एकछ कछरि।
संन्यासी बैरागिन की एकछ कछरि।
दासी रे उदासीन की एकछ कछरि।
राजा दुरपद आव जै कसो कराला-
राणि का रण्यास होकम जै द्यला;
‘दुरापदी लली, सिगार कर’; कौला।
राजन की छोरिया पैरुँन लागि रेंन।
तेल फुलेल पैरुँन लागि रेंन।
चोवा-चनन, हीरामणि माला पैरुँन लागि रैंन।
पटूँमर धोती पेरुँन लागि रैन।
दुरोपदी लली, इजू टाटा लागि गैंन।
मेरा बौज्यू ले मैं रो-बेद लगायूँ।
धें कैक राजाक बाण बेद लागलो।
कित मैंले आँखा कि काँनि हुनू होलो।
कित मैंने खुटाकि डुनि हुनु होलो।
दुरोपदी लली ढुलढुल रुँछीन। क्रमशः
देवदार 