गीत: सुभकामना:
तुमूं खन तुमर ब्या कि सुभकामना छू
सदा खुस रया तुम हमरि प्रार्थना छू
तुमारा लिजी छ यो सुख भेग सब्बै
कभैं लै नि औ तुम्र जीवन मैं दुख क्वै
हमा्र के यरौ हम त छौं पग्ल प्राणी
हमा्र ये मनै दा्स कै इ लै नि जाणी
तुमा्र घर बसी जौ योई कल्पना छू
सदा खुस रया तुम हमरि प्रार्थना छू
इ जन्मूं क संबंध तोड़ी नी जाना
ये बा्ट मैं दगड़िया त छोड़ी नी जाना
आपणि संस्कृति कैं कभैं झन भुलाया
कसम जो लि हाली भली कैं निभाया
आपण इष्ट थैं हात जोड़ि बंदना छू
सदा खुस रया तुम हमरि प्रार्थना छू
देवदार 