गीत: छाड़ि आयूं – नायक

गीत: छाड़ि आयूं – नायक

छाड़ि आयूं गौं घर जमीन छाड़ि आयूं दूर पहाड़ौं मैं
झाड़ि आयूं ठुल ठुल स्वीन झाड़ि आयूं गध्यार गाड़ौं मैं

काफल किरमड़ मेल चुर्यालू
नारिंग गलगल पुलम हिसालू
दाड़िम तिमुल जमीर घिंघारू
बेड़ु अखोड़ खुमानी आड़ू

मस्ती का दिन छाड़ि आयूं दूर पहाड़ौं मैं
झाड़ि आयूं ठुल ठुल स्वीन झाड़ि आयूं गध्यार गाड़ौं मैं

सिंगल फाणा लगड़ा पूआ
भटिया डुबका जौल लेटुआ
भंगिरै चटनी नौनि ठट्वानी
भुटुआ टपक्या झोइ चुड़कानी

छाड़ि आयूं चैनै कि नीन छाड़ि आयूं दूर पहाड़ौं मैं
झाड़ि आयूं ठुल ठुल स्वीन झाड़ि आयूं गध्यार गाड़ौं मैं

नानछना संगी ग्वालक दगड़िया
स्कूल बजारक साथी बढ़िया
ब्ुाबुकि सबासी इज क दुलार
बाबु कि नड़क आमा कि मस्यार

छाड़ि आयूं पितरौ क रीन छाड़ि आयूं दूर पहाड़ौं मैं
झाड़ि आयूं ठुल ठुल स्वीन झाड़ि आयूं गध्यार गाड़ौं मैं