गीत : परदेस
मकैं यो पत नि छी घर छाडि़ बेर परदेस हिट देला
जरा सी बात मैं गांठ पाडि़ बेर परदेस हिट देला
हुणी जां चार भाण वी ठौर मैं टकराव लै है जां
बहस करिबेर बिचारौं मैं कभैं बदलाव लै है जां
मकैं यो पत नि छी बिन दिय कोई संदेस हिट देला
जरा सी बात मैं गां्ठ पाडि़ बेर परदेस हिट देला
कटी जां दिन उज्याओ मैं कटी जैं रात तारौं मैं
कटी जाल म्हैंन बरतौं मैं कटी जाल साल त्यारौं मैं
मकैं यो पत नि छी मन मैं लगै बेर ठेस हिट देला
जरा सी बात मैं गांठ पाडि़ बेर परदेस हिट देला
मिले स्कूल छाड मै बाप छाड़ अर ब्या करौ तुम संग
तुमर रंग मैं रंगौ आप हन सिखीं मै ले तुमर सब ढंग
मकैं यो पत नि छी एस्यैं बदलि बेर भेस हिट देला
जरा सी बात मैं गांठ पाडि़ बेर परदेस हिट देला
