गजल : इंतजारी :
अन्या्र मैं दी जलैबेर इंतजारी करनयूं सूआ
मगर ये तेज हा्व मैं दी निमै जा्ल डरनयूं सूआ
आंखा है आंस छलकि जानीं जसिक चैमास मैं पानी
उई मैं डुबिनयूं सूआ उई मैं तरनयूं सूआ
जो् देखनीं सोचनीं चुपचाप लागि रै काम मैं अक्सर
उनूं के पत कि कसिकैं जी रयूं या मरनयूं सूआ
तुमर हर काम पुर है जौ तुमरि यात्रा सफल है जौ
सबै द्याप्तान का खूटान मैं ख्वर धरनयूं सूआ
लड़ै छू जिंदगी ये जितण हूं तलवार नै चैनी
हिरदै मैं प्रेम लीबेर मी अघिल कै सरनयूं सूआ
देवदार 