गीत : हमार पहाड़ :
यांक उंचा निचा डाना गध्यार गाड़
कति भला लागनीं यो हमार पहाड़
बांजाक बन को ठण्डो पानी
हरिय चुर्यालू प्यांलि खुमानी
काल किरमोड़ा लाल बुरांस
कफु लंपुछिया घुघुति हिलांस
गौं है इसटेसन दूर बजार टाड़
कति भला लागनीं यो हमार पहाड़
तलि है मलि तक नान ठुला गड़
सिडि़ जस लागनीं एक दगड़
बन मैं काफल भिड़ मैं पांगर
ढुंगै कि कुडि़ अर छत मैं पाथर
गोठा मली चाख कमरा वी मली भाड़
कति भला लागनीं यो हमार पहाड़
